Жаңа технологиялардың игілігіне сүйенетін қазіргі заманда қоғамдық тәртіпті бақылаудың жаңа тәсілдері де өмірімізге дендеп енуде. Бұл орайда таяу аралықта Семей қаласына 600 «Сергек» камерасы орнатылатын болды.
Қаланы дамытудың кешенді жобаларын жүзеге асыру аясында қолға алынатын бұл шараның тиімділігі зор болмақ. Семей қалалық жедел басқару орталығының мәліметіне сүйенсек, жалпы саны 600 камера қала көшелерінің бойындағы 60 жол қиылыстарына қойылатын болады.
– Бұл камералар қаладағы жол ережесінің бұзылмауына, қауіпсіздіктің қатаң сақталуына оң ықпал етеді, – дейді тәртіп сақшылары.
Қазіргі таңда аталмыш камералар еліміздегі көптеген қалаларда орнатылған. Осыған дейін Өскемен шаһарына қойылған «Сергек» өз тиімділігін толық дәлелдеп үлгерді.
«СТ» — ақпарат
{jcomments off}