"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

«SUMMERFEST» ФЕСТИВАЛІ

02.07.2019

28-30 маусым аралығында Семей қаласында тұңғыш рет І Халықаралық «SemeySummerFest» атты жастар мен жас-өспірімдердің жазғы фестивалі болып өтті. Фестиваль 12 түрлі бағыттарды қамтыды. Ұйымдастырушылардың бірі Арман Мәшімов 28 маусым күні жергілікті БАҚ өкілдерінің қатысуымен баспасөз мәжілісін ұйымдастырып, шараның өту барысымен, мақсатымен таныстырды.

— Фестивальды ұйымдастырудағы мақсатымыз қаладағы балалар спортын дамыту үшін қайырымдылық қорына қаржы жинау болатын. Бірақ биыл Арыс қаласында орын алған апатты оқиғаға байланысты түскен қаржыны зардап шеккендерге аудармақпыз. Айта кетейін, біз шараны кейінге қалдыра алмадық. Халықаралық сипаттағы фестиваль болғандықтан, жарты жыл бұрын дайындалдық. Әлемнің өзге елдерінен де жастар келіп қатысуда,- дейді Арман Мәшімов.

Халықаралық жазғы фестиваль аясындағы алғашқы шара 28 маусым күні Бейбітшілік аралында 30-дан аса спортшының басын қосқан «Forest Bike» атты экстремалдық веложарыстан бастау алды. Велосипедшілер 3 км қашықтыққа жарысып, үздіктер марапатталды.

Сонымен қатар дәл осы күні Назарбаев Зияткерлік мектебінде Рубиктің кубигін тез жинаудан «Cubing Semey Open — 2019» атты халықаралық жарыс ұйымдастырылып, қазақстандықтармен қоса, Ресей, Беларусь Республикасы және Украинадан келген спидкуберлер бақ сынады. Чемпионатқа қатысушылар Дүниежүзілік Кубик Ассоциациясы (WCA) бекіткен 16 бағыт бойынша сынға түсті. Яғни қатысушылар текшені бәрінен бұрын жинауды 16 рет қайталауы керек. Жұмулы көзбен, бір қолмен, тіпті аяқпен текшені орнына қою, әрине, оңай емес. Бірақ спорттың бұл түрін меңгерген үздіктер бұл сынақтардан да сүрінбей өтті.

— Чемпионат үш күнге созылады. Көпшілігі биыл бірінші рет қатысып отыр. Айта кету керек, спидкуберлердің жасына шектеу жоқ. Биыл ең жас қатысушы 6–да болса, ең үлкені 51-де. Жыл сайын Рубик текшесін жинауға қызығушылар саны өсіп келеді. Бұл тұрғыда Семей қаласы елімізде көш бастап тұр,– дейді Арман Мәшімов.

Жалпы «бас қатырғыштар бәсекесі» шаһарымызда дәл осындай ауқымды түрде 4–ші мәрте өтуде. Соның екеуі халықаралық дәрежеге дейін жетті. Жастар арасындағы салауатты өмір салтын насихаттау мен халықтың Рубик текшесіне деген қызығушылығын арттыруды мақсат еткен жарысқа Семей қаласындағы физика-математика бағытындағы Назарбаев Зияткерлік мектебі үнемі қолдау білдіріп келеді.

— Жарыстың дәл осылай жоғары деңгейде ұйымдастырылатынына сенбеп едім. Керемет әсердемін. Рубик текшесін құрастырудың жас ерекшелігіне кедергісі жоқ. Керісінше, пайдалы жақтары мол деп санаймын. Бүгін алғаш рет қатыса отырып, болашақта да жиі бағымды сынап тұрамын деген шешімге келдім,- дейді жарысқа алғаш рет қатысушылардың бірі 51 жастағы спидкубер Гүлсара Ағаділова.

Фестиваль 29 маусым, сенбі күні одан әрі жалғасып, Қарағайлы шағын ауданынан Әулие бұлаққа дейінгі аралықтағы Павлодар тас жолының бойында қайырымдылық веложарысы өтті. Қайырымдылық веложарысына кәсіби велосипедшілермен бірге әуесқойлар да қатысты. Айта кету керек, мұнда жеңімпаздар анықталмады. Басты мақсат – қайырымдылыққа үлес қосу. Жиналған қаржы Арыс қаласындағы апаттан зардап шегушілерге жіберіледі.

— Фестиваль аясында бүгін қайырымдылық веложарысын өткізудеміз. Жарысқа ниет білдірген барлық азаматтар қатыса алады. Дегенмен аздаған дене дайындығы керек. Себебі жүріп өтетін жол қысқа емес. Жалпы, қалада соңғы жылдары веложарыс дамып келеді. Спорттың бұл түріне қызығушылық танытушыларды жолдардан жиі байқауға болады. Біз достарымызбен веложарысты 2015 жылы бастадық, қазір біздің тобымызда сексенге жуық адам бар,- дейді веложарысты ұйымдастырушылардың бірі Иван Бабухин.

Жексенбі, 30 маусым күні Бейбітшілік аралындағы Биологиялық орталықтың алдына, негізінен, спортпен шұғылданатын, салауаттылықты ту еткен жастар қауымы жиналған болатын. Көпшілік осынау аралықтан Орталық алаңға дейін жүгіріс ұйымдастырды. Бұл шара еркін түрде болғандықтан, қатысушылардың кейбірі велосипед жолымен, енді бірі кросс тәсілі арқылы жасыл орман ішімен жүгіріп өтті. Бір ерекшелігі, бұл жүгіріс уақытпен шектелмеді. Сондай-ақ жеңілгендер мен жеңгендер де болған жоқ. Мақсат біреу ғана — жастарды қозғалыссыз өмірден бас тартуға шақыру, ал қарапайым философияға салатын болсақ, қозғалыс дегеніміз — өмірдің өзі.

Әйтсе де салтанатты түрде бастау алған шара барысында қажет болған жағдайда көмек беру үшін жедел жәрдем көлігі мен тәртіп сақшылары да жастардың жанынан табылды.

Ал «Summerfest» фестивалінің өзі Орталық алаңда түс әлетінде бастау алды. Онда қазіргі жастар өмірінде орын алатын барлық жағдайлар көрініс тапты. Атап айтсақ, көше музыканттары мен кітапханашылар келушілерді жинап, қызықты іс-шаралар қатарын ұйымдастырды, фестивальға келген жастар көше ойындарына қатысып, қазіргі билерді билеп, көңілдерін көтерді, олардың өнерін тамашалаушылар аса мол болды.

Сонымен қатар үстел ойындарына арналып павильондар ұйымдастырылды. Шахмат пен қазақ халқының ұлттық ойыны, қойшы математикасы атанған тоғызқұмалақтан сайыстар ұйымдастырылды. Осылайша, Орталық алаңдағы фестиваль нағыз мерекелік шараға айналып, жастар мен жасөспірімдер қауымы бұл күні өз уақыттарын тиімді, қызықты өткізуге мүмкіндік алды.

— Жаздың аптабында смартфон ұстап үйде жатқаннан гөрі, осындай фестивальға келіп, спорттық ойындар ойнап, достарыңмен бірге көңіл көтергенге ештеңе жетпейді. Мейлінше белсенді өмір сүру керек,- дейді аталмыш іс-шараға қатысушы жастар.

Ал кешкілік мезгілде қала жастары түрлі жанрдан тұратын мерекелік гала-концертті тамашалады.

«SemeySummerFest» фестивалі қалалық әкімдіктің қолдауымен Семейде биыл бірінші рет ұйымдастырылып отыр. Алдағы уақытта дәстүрлі түрде өткізу жоспарлануда.

Азамат ЕРСАЙЫН, «Семей таңы»{jcomments off}

Ұқсас жаңалықтар

66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

19.11.2026
66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

«Кітап оқитын ұлт» республикалық марафоны 66-күнге жетті. Осы уақыт ішінде қатысушылар 1,5 миллионнан астам кітап оқыды. Қазір қатысушылар марафонның бесінші...

Толығырақ...Details

Жолдау міндеттері: инфрақұрылымды жаңғырту, өндірісті дамыту және халықтың табысын арттыру

19.11.2026
Жолдау міндеттері: инфрақұрылымды жаңғырту, өндірісті дамыту және халықтың табысын арттыру

Мемлекет басшысының Қазақстан халқына Жолдауында көтерілген «Халықтық құрылыс» бастамасы, экономиканы әртараптандыру, көлік-логистика инфрақұрылымын дамыту және еңбек адамдарының әл-ауқатын арттыру мәселелері...

Толығырақ...Details

«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

19.11.2026
«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

Қазақстанның ауқымды «Халықтық құрылыс» бағдарламасы шетелдік EU Reporter басылымындағы мақалаға арқау болды. «Құрылыс және тағы да құрылыс! Қазақстан инфрақұрылымды дамыту...

Толығырақ...Details

Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

19.11.2026
Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

Қазақстанның экономикалық тұрақтылығын қамтамасыз ету, өнеркәсіптік өндірісті дамыту және халықтың өмір сапасын арттыру энергетика саласының тиімді жұмысына тікелей байланысты. Президент...

Толығырақ...Details

Адамның қадір-қасиеті мен жеке бас бостандығы – Конституция қорғауындағы құндылықтар

19.11.2026
Адамның қадір-қасиеті мен жеке бас бостандығы – Конституция қорғауындағы құндылықтар

Адамның өмірі, құқықтары мен бостандықтары – құқықтық мемлекеттің ең басты құндылықтары. Қазақстан Республикасының жаңа Конституциясында адамның қадір-қасиетін құрметтеу, жеке бас...

Толығырақ...Details

Шындық пен жауапкершілік: Абай облысының журналистері студенттермен кәсіби этика мәселелерін талқылады

18.11.2026
Шындық пен жауапкершілік: Абай облысының журналистері студенттермен кәсіби этика мәселелерін талқылады

Абай облысында «Конституция және сөз бостандығы: журналистиканың жауапкершілігі» тақырыбында дөңгелек үстел өтті. Іс-шараға Журналистер клубының мүшелері мен жоғары оқу орнының...

Толығырақ...Details

Жаңалықтар

66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

11 часов бұрын

Жолдау міндеттері: инфрақұрылымды жаңғырту, өндірісті дамыту және халықтың табысын арттыру

11 часов бұрын

«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

14 часов бұрын

Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

15 часов бұрын

Адамның қадір-қасиеті мен жеке бас бостандығы – Конституция қорғауындағы құндылықтар

15 часов бұрын

Шындық пен жауапкершілік: Абай облысының журналистері студенттермен кәсіби этика мәселелерін талқылады

1 день бұрын

Камералдық бақылау нәтижесі бойынша жолданған хабарламаларды орындау тәртібі. Салық төлеушілер нені білуі қажет?

1 день бұрын

Қазақстандағы ғылымның дамуы: жеті жылда қаржыландыру көлемі 3,2 есе артып, коммерцияландыру деңгейі 31%-ға жетті

1 день бұрын

«Әкелер одағы» Қазақстанда энергетикалық сусындарға толық тыйым салуды талап етті

2 дня бұрын

Almaty SuperSki кластерінің құрылысы қарқынды жүріп жатыр

2 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС