Еліміздің оңтүстігіндегі Арыс қаласында орын алған апат шығыс жұртшылығын да бейжай қалдырмай, аймағымыздағы қалалар мен аудандардан қаржылай және материалдық көмек жиналып, еріктілер тобынан тұратын жұмыс күші де аттанған еді. Төтенше жағдайға байланысты алғашқы болып жәрдем қолын созған өңірлердің бірі облысымыздағы Жарма ауданы болатын.
Ауыртпашылық бөліссе жеңіл-дейді. Түркістан облысындағы жағдайға байланысты Қазақстан халқы Ассамблеясының «Жаң-ғыру жолы» атты республикалық қозғалысы «Жақсылық жаса!» жобасы аясында Арыс халқына көмек көрсетуге үндеген болатын. Міне, Мемлекет басшысы Қасым-Жомарт Тоқаевтың өзі қолдау көрсеткен осынау қайырымдылық шарасы аясында Жарма ауданының тұрғындары да айрықша белсенділік танытты. Аудан әкімі Ахметқали Нұрғожиннің тікелей күш салып, ұйымдастыруымен бірқатар іс-шаралар жүзеге асырылды. Материалдық көмек жөнелтуден бөлек, Арыс қаласын қалпына келтіруге атсалысу мақса-тында арнайы жұмыс тобы жасақталды. Аудан басшысының өзі алғашқы күннен-ақ ұйым-дастырушылардың басы-қа-сында жүріп, құрылысшылар күшінің жиналуына мұрындық болды. Осылайша, құрылыс жұмыстарына икемді атпал азаматтардан тұратын топ уақыт ұзатпай ақсақалдар қауымының, аудан әкімі Ахметқали Ахаш-ұлының ақ жол тілеп, қолдау жасауымен оңтүстікке аттанып кеткен еді.
Бүгінгі таңда жармалық еріктілер ауа райының қолай-сыздығына, күнгейдің бой үйренбеген аптап ыстығына қарамастан, аянбай еңбек етуде. Жарылыс салдарынан қираған төбе шатырларын жаңалап, бүлінген үйлерді күрделі жөндеуден өткізіп жатқан жерлестеріміз жоспарды мерзімінен бұрын аяқтауда.
— Жалпы, Арыс қаласына Жарма ауданынан 38 адам жіберілген болатын. Жарма-лықтар қазіргі күні де Арыс қаласындағы зақымдалған үй-лердің төбелерін жауып, есік-терезелерін ауыстырып, бүлінген нысандарды қалыпқа келтіруде. Бұған қоса үйлердің ішкі-сыртқы жөндеуі, әрлеу, оның ішінде әктеу, бояу жұмыстарын жүргізіп жатыр. Арысқа аттанған жерлестеріміз – әр салада еңбек ететін түрлі мамандық иелері, олардың қатарында құрылысшылар, ауыл жастары, тіпті мекеме басшылары мен бірқатар лауазымды тұлғалар да бар, — дейді бұл ретте пікір білдірген Жарма ауданы әкімінің орынбасары Айдар Ибраев.
Жармалықтар табысты еңбек етуде, жауапкершіліктен жалтармай, уақыт оздырмай, түсіністікпен жұмыс атқаруда. Облысымыздан бар-ған өзге құрылысшылар арасында белсенділіктерімен, са- палы еңбектерімен алда келеді. Атап айтсақ, Арыс қала-сындағы Қазыбек би көшесінің бойындағы 26-дан астам үйді Жарма ауданының азаматтары толыққанды күрделі жөндеуден өткізіп, жергілікті тұрғындардың қолына тапсырыпты. Өз қоныстарына қайта оралған Арыс қаласының халқы Жарма ауданының қайырымды азаматтарына, әсіресе баспаналарын қалпына келтіруге көмек көрсетуге ұйытқы болған облыс әкімі Даниал Ахметов пен аудан басшысы Ахметқали Ахашұлына зор ризашылықтарын білдіріп, алғыстарын жолдауда.
Шынайы жанашырлық, қамқор көңілден туған қайырымдылық осылайша алғысқа кенелтуде.
Өз тілшіміз
