Абай Құнанбаевтың 175 жылдығына орай, Семей әуежайына ұлы ақын есімі берілді. Бастаманы қалалық және аудандық қоғам белсенділері ұсынған.
— Барлық құжатты облыстық ономастикалық комиссияға жібердік. Оның мақұлдауын алғаннан кейін материалдар республикалық комиссияға жіберілді. 2019 жылдың желтоқсан айының соңында республикалық ономастика комиссиясы келісімін берді, — дейді қалалық мәдениет және тілдерді дамыту бөлімінің бас маманы Анаргүл Бүркітбаева.
Айта кетейік, қайта жөндеуден өткен нысанға өткен жылы халықаралық әуежай мәртебесі берілген болатын. Бүгінде қалада Абай есімімен театр, кітапхана, музей және орталық көшелердің біреуі аталған.
«СТ» — ақпарат{jcomments off}
