Қала әкімі Нұрымбет Сақтағанов өткен сенбіде қала көшелерін аралап, тазалық жұмыстарының барысымен танысты. Әсіресе, құм мен қоқсықты уақтылы және сапалы тазартуға баса назар аударылды.
Қалада қысқы уақытта жол-көлік оқиғасы мен көшеде жарақат алу қаупін барынша азайту мақсатында 7,5 мың тоннадан астам құм пайдаланылған болатын. Ауа-райының жылынуына орай қала көшелерінен шамамен 4,2 мың тонна құм шығарылды. Қалғанын ағымдағы жылдың 1 мамырына дейін шығару тапсырылды.
Шаһар басшысы жалпы ұзындығы 17 800 погон метр болатын дөңгелекті соқпақ брустарды жөндеу қолға алынатынын айтты. 10 мамырға дейін оларды монтаждау арқылы кірден тазартып, қалпына келтіруге нұсқау берілді. Көрсетілген мерзімде жол өткелдеріндегі еңістер кірден тазартылып, ақталады.
