Қазақстан Республикасы Ішкі істер министрлігінің Көліктегі полиция департаменті ағымдағы жылдың 8 — 14 қарашасы күндері аралығында, жедел профилактикалық іс-шаралар кестесі аясында, қызмет көрсету учаскесінде ақпараттық және байланыс саласындағы құқық бұзушылықтарға, сондай-ақ ақпараттық технологияларды пайдалана отырып жасалатын өзге де заң бұзушылықтарға қарсы күрес шараларының тиімділігін арттыру бағытында арнайы шара өткізуде.
Осы орайда, ағымдағы жылдың қараша айының 8-14 күндері аралығында Семей станциясындағы ЖПб-нің қызмет көрсету аумағында кең көлемді жеті күндік «Hi-tech» жедел профилактикалық іс-шарасы ұйымдастырылуда. Іс-шара аясында ЖПб қызметкерлері қаладағы ахуалды бақылауға алып, қылмыстық істерді болдырмау бағытында үздіксіз жұмыс істеп, халыққа түсіндірме жұмыстарын жүргізеді.
Заманға сай түрлі ақпараттық технологияларды қолданатын қала тұрғындарынан алаяқтардың қармағына түсіп қалмас үшін, өте сақ болуды сұраймыз.
Еркебұлан ҚҰДАЙБЕРГЕНОВ,
Семей ст. ЖПб КПб жедел уәкілі,
полиция капитаны
