95 жылдық тарихы бар байырғы басылым «Семей таңы» газетінің оқырмандары ең көп өңір – Үржар ауданы. Әлеуметі әлді, экономикасы қуатты ауданға басшылыққа келген Серік Зинабек—ұлы Зайнулдиннің «Семей таңы» газетіне деген оң көзқарасының нәтижесінде басылым бұл ауданда кең таралған. Сондай – ақ, «Семей таңы» газетінің 95 жылдығына орай редакция ұжымы бірқатар бастамалар көтеріп, халықпен редакция арасындағы байланысты тереңдете түсуді көздеп отыр еді. Осындай қадамдарға алғышарттардың бірі ретінде әр ауданда газеттің штаттан тыс тілшілер тобын құру жұмысы қолға алынды.
«Семей таңы» газетінің бас редакторы Риза Асанқызы Молдашева басылыммен тығыз әріптестік орнат-қан аудандар өмірін газет беттерінен қарапайым халықтың көзімен көру мақсатында штаттан тыс тілшілермен тығыз жұмыс жасау туралы қадам бастаған.
Бастама қолдау тапты. Әсіресе, Үржар ауданы бұл тұрғыдан алғанда белсенділік танытып, журналистика саласына бейімі бар жас қалам иелері газетке өздерінің ойларын, пікірлерін жолдай бастады. Осыған орай жас та болса жігері, жазуға икемі бар оқушыларға газет ұжымы Үржар ауданында штаттан тыс тілшілер қабылдап, арнайы куәліктер табыс етілді. Бір айта кетерлігі, штаттан тыс тілшілікке қабылданғандардың барлығы да мектеп оқушылары. Мұның өзіндік мәні бар. Үржар ауданының тынысын жастар көзімен көру, жастардың ойымен үндестіру.
Арнайы куәліктер аудан орталығы Үржар ауылынан шыққандар ғана емес, сондай – ақ, Мақаншы, Науалы, Қаратұма сияқты ауылдарда қолына қалам алып, ойын ақ қағазға түсіре білетін, тілшілік дарыны бар мектеп оқушылары таңдалып алынды.
Куәліктер Үржар ауданы әкімінің орынбасары Қайрат Қақановтың, ішкі саясат бөлімінің басшысы Сәуле Орынбайқызының, жас тілшілердің және ата – аналарының тікелей қатысуымен табысталды. Науалы орта мектебінің 10 сынып оқушысы Дана Маратова, Мақаншы орта мектебінің 10 сынып оқушысы Таңшебер Қайранова, Қаратұма орта мектебінің 8 сынып оқушысы Индира Жүнісқанова, Сейфуллин орта мектебінің 11 сынып оқушысы Шың-ғысхан Саулеханов, Горький орта мектебінің 9 сынып оқушысы Еркежан Досмухамбетовалар «Семей таңы» газетінің Үржар ауданындағы штаттан тыс тілшілері болып, бұдан былай аудан көлеміндегі игі істерді сөз басында атап өткендей жастар көзімен озық ойлы оқырманға жеткізіп тұрмақ.
{jcomments on}Үржар ауданы әкімінің орынбасары Қайрат Қақан-ұлы тарихы тереңде жатқан басылымға штаттан тыс тілшілікке қабылдану абырой, журналистика саласына бір табан жақындау екендігін атап өтті.
Тілшілікке қабылданғандар арасынан Шыңғысхан Сәулеханов өзінің болашақта үлкен журналист болып, Тәуелсіз Қазақ елінің дамуына, гүлденуіне өз үлесін осы сала арқылы қосқысы келетіндігін айтты. Сондай – ақ, Шыңғысхан өзінің келешек таңдау жасап отырғаны мамандығы арқылы бұқарамен тығыз байланыс орнататындығын атап өтті.
Үржар ауданы ішкі саясат бөлімінің басшысы Сәуле Орынбайқызы куәліктің жай тапсырылмағанын, штаттан тыс тілші болса да,оқушы болса да газет ұжымының үлкен сенім артып отырғанына тоқталып, аудан көлеміндегі жастар жағы өткізетін іс – шаралардың тізбегін жазып тұруды тапсырды. Ол үшін «Семей таңы» газеті де жағдай жасап отырғандығын да Сәуле Орынбайқызы атап өтті.
