Соның бірі – екі ғасыр бойы әлемді мойындатқан Петр Ильич Чайковскийдің «Аққу көлі» төрт актілі балеті. Мұнда ханзада мен ханшайым арасындағы сұлу да сырлы сезім баяндалады.
– Театр репертуарында П.Чайковскийдің “Аққу көлі” балеті он жылдан астам уақыт бойы қойылып келеді. Басты кейіпкер Хозені– балет әртісі Тиыштықбай Еламан ал, Карменді – балеттің жетекші солисі Мұқашева Айнұр сахнада 45 минут бойы жанын салып орындайды,- деді ҚР Еңбек сіңірген мәдениет қайраткері Гульфида Гафурова.
Балет ұжымы 2 маусым күні Абай театрында түскі сағат 15.00 және 19.00- де өнердің биік шыңын көрсетіп, көпшілік қауымның көзайымына айналып, тамаша көңіл-күй сыйлады. Көрерменге ұсынылған балеттер мен хореографиялық композициялар өз стилистикасымен, хореографиялық суретімен және пластикасымен ерекшеленіп, өнер әлеміне елітіп әкетеді.
– Маған бүгінгі балет қойылымы өте қатты ұнады. Әртістердің сахнадағы өздерін ұстауы, би қозғалыстары ерекше әсер қалдырды. Болашақта мен де балет әртісі болғым келеді. Арманыма жету үшін бүгінде арнайы балет мектебіне барып, икемдерімді шыңдаудамын. Балет әртістеріне өте жоғары баға беремін және өнерлерін құрметтеймін,-дейді жас көрермен Інжу Бақытбек.
Сондай – ақ, кеш бағдарламасында Болат Аюхановтың қойылымындағы М.Равельдің музыкасына жазылған ең алғашқы, ең танымал және жарқын спектакль-бір актілі “Болеро” балеті ұсынылды.
Болат Аюханов өзінің “Сезім өмірбаяны” ( «Биография чувств» ) атты кітабында:”Равельдің” Болеросында “салқын әуен, көзге көрінетін испандық келбет, музыкалық серияның академиялық құрылысының қатаңдығы хореограф ретінде маған музыкаға тең келетін хореографиялық пластиканы сынап көруге мүмкіндік берді”-деп жазған.
Айта кетейік, көрермен қауымның ыстық ықыласына бөленген балет ұжымы гастрольдік сапарын 4 маусым күні Өскеменде жалғастырмақ.
Semeynews.kz
