Семейлік қоғам белсенділері де жалпыхалықтық референдумға қатысып, ел ертеңі үшін өз дауыстарын беруде. Олар референдумда әр азаматтың дауысы маңызды екенін айтуда,- ABAI AIMAQ MEDIA, Semeytany.kz ақпараттық порталы.
Халықаралық «Қазақ тілі» қоғамының вице-президенті, Қазақстан халықтары Ассамблеясының мүшесі Орал Шәріпбаев бүгінгі саяси оқиғаның тарихи маңызы зор деп санайды. Қоғам белсендісі дауыс беруге құқы бар жерлестері референдумға қатысып, өздерінің азаматтық ұстанымдарын білдіреді деген сенімде.
Өңірдің өткені мен бүгініне қанық ел ағасы қаладағы барлық қоғамдық бірлестіктер мен ұйымдар мүшелерінің белсенділік танытып жатқанын айта келіп, семейліктердің референдумға қатысу көрсеткіші жоғары екендігін атап өтті. Орал Шәріпбаевтың айтуынша, бұл, бір есептен, Семей шаһарының Абай облысының орталығы мәртебесіне ие болуымен де тығыз байланысты. Яғни семейліктердің ертеңгі күнге деген сенімі нығая түскен.
ABAI AIMAQ MEDIA
