Бес жасар қыз кітап жазып, әлемдік рекорд орнатты деп хабарлады massaget.kz
UPI басылымының мәліметінше, ұлыбританиялық Белла Джей Дарк бес жасында кітап шығарған. Ол осылайша әлемдік рекорд орнатты. Белла – өз туындысын мыңнан аса данамен сатқан ең жас қаламгер. Бұл көрсеткіш – рекорд ретінде тіркеудің басты шарты.
Кішкентай қыз кітаптағы оқиғаны өз бетінше ойлап тауып қана қоймай, «Жоғалған мысық» деп аталатын кітабына арнап суреттер салған.
«Жолдасым екеуміз оны мақтан тұтамыз. Бұл – жоғалған мысық туралы және оның анасыз жүруге болмайтыны жайлы оқиға желісі. Менің ойымша, оның мағынасы жақсы», – деді қыздың анасы Челси Сайм.
