Шығыс Қазақстан облысының әкімі «Tarbagatay Munay» компаниясының өкілдерімен кезекті жиналыс өткізді.
Бұл туралы ШҚО әкімі фейсбук әлеуметік желісіндегі жеке парақшасында жазды. Даниал Ахметов соңғы кездесуден бері кәсіпорын қызметіне терең талдау жүргізілгенін айтты.
«Бұған адамдардың негізді наразылығы себеп болғанын еске саламын. Компания Зайсан ауданының елді мекендерін газбен қамтамасыз етіп, Қытайдан келетін серіктестері алдында экспорттық міндеттемелері бар. Энергетика министрлігінің зерттеу сараптамасы аяқталғанға дейін ҚХР-ға газ жеткізу тоқтатылған болатын. Бүгінгі күні компания осы жылы мұнай өндіруді бастайтынын және осы әзірлемелерден қосымша газ өндіруді қамтамасыз ету мерзімін 10 жылдан 30 жылға дейін ұлғайтуға мүмкіндік беретінін мәлімдеді»,- деді Даниал Ахметов.
