Шығыс Қазақстан облысының әкімі Даниал Ахметов жуырда қала және аудан әкімдерімен жылыту маусымына дайындық мәселесі жөнінде кеңес өткізді.
Жиын барысында айтылғандай, білім беру нысандары 100 пайызға, денсаулық сақтау нысандары толықтай, әлеуметтік нысандар 75 пайызға және шағын қазандықтар 58 пайызға көмірмен қамтамасыз етілген.
ШҚО әкімі Даниал Кенжетайұлының айтуынша, Риддер қаласы басты назарда тұр, онда барлық жылу магистраліне мұқият тексеру жүргізілген. Облыстық бюджеттен желілерді жөндеуге ақша бөлініп, жаңа жылыту маусымына қарай ретке келтіріледі. 15 қыркүйекке дейін өңірдегі барлық тұрғын үйлердің дайындық паспорты болуы тиіс.
— Облыс халқын көмірмен қамтамасыз етуге келетін болсақ, мұнда қалалар мен аудандардың әкімдері, ең бастысы, дүрлікпеге жол бермеу екенін түсінуі тиіс. Сондықтан шілде айында Глубокое және Ұлан сияқты жақын маңдағы аудандар тұрғындар қалаға бармай-ақ, оны сатып ала алатындай қатты отынның қажетті мөлшерін жергілікті жерлерге әкелуі керек. Бұл Өскемендегі тұйық көшелерде кезектер мен тіректерді болдырмауға көмектеседі,- деді Шығыс Қазақстан облысының басшысы.
Сондай-ақ облыс әкімі барлық қолжетімді арналар арқылы халық арасында түсіндіру жұмыстарын жүргізудің маңыздылығын да атап өтті.
Әлібек КЕМЕЛХАН,
«Семей таңы»
