Аталған жиында мерекенің өткізілу уақыты, қандай амалдар қолданылады, құрбандыққа шалынатын малды союға арналған жерлер сияқты мәселелер талқыланды.
«Қасиетті құрбан айт мерекеміз барлығымызға құтты берекелі болсын. Биыл індеттен құтылып, барлық мешіттерде бес уақыт намаз, жұма намаз, айт намаздары ашық, жақын түрде оқылып жатыр. Биылғы жыл айт намазы барлық ҚР бойынша, барлық мешіттерде оқылады. Осы екі жылда құрбан айт күндері адамдар бір-біріне айтшылап баруды да қойған еді. Бірақ, осы жылы айтшылауға да рұқсат берілді. Жақында Қазақстан мұсылмандары діни басқармасының бас муфтиі — Наурызбай қажы Тағанұлы сұхбат берген болатын. Сол сұхбатында барлық мұсылман елдерінің келісімімен биылғы жыл, яғни, хижри жыл санағы бойынша 1443 жылғы құрбан айт мерекесі 9-11 шілде аралығы болып бекітілді. Бірнеше жылдан бері осы күндер президентіміздің бұйрығымен демалыс күндері болып жарияланған. Демалыс беру себебі: халықтың намазға баруы, құрбан шалу және т.б», — дейді «Абай Құнанбаев» атындағы мешіттің наиб имамы Ерлан Досымұлы Омаров.
Тірі малды сату орындары бекітілген болатын:
1. «Ақшын» мал сою пункті, Космонавтов к-сі-1 (Дальней ауданы).
2. «Северный» КЛО (Энергетик ауданы).
3. «Жоламан» кто » мал сою пункті (Алматы трассасы,7/1.)
«Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Семей қалалық аумақтық инспекциясы» ММ бас маманы — Оразаев Алтай Қалиханұлы былай дейді:
«Құрбан щалыну үшін тірі мал салынады, соған байланысты белгілі бір ветеринарлық-санитралық талаптар бар. Біріншіден, тасымалданатын малдарда ветеринарлық анықатама болуы тиіс. Бұл анықтамада малдың саны, түрі, жалпы, мал туралы мәліметтер беріледі. Мал тек белгіленген орындарда ғана сатылуы керек»
Ерасыл Кенжебек
