«Семей-Қалбатау» тас жолының 10-шақырымында «Тойота» көлігі мен жанармай таситын көлік бетпе-бет соқтығысты.
Бүгін түнде Семей қаласының құтқарушылары жол-көлік оқиғасынан зардап шеккендерге көмек көрсетті, деп хабарлайды ШҚО Төтенше жағдайлар департаменті. Семей-Қалбатау тас жолының 10-шақырымында Toyota Camry мен MAН жүк көлігінің (жанармай таситын) бетпе-бет соқтығысуы салдарынан жеңіл көлікте 5 адам қысылып қалды.
Оқиға орнына ОСО қызметкерлері келді, сол кезде оқиға куәгерлері үш зардап шегушіні алып шықты. Құтқарушылар арнайы құралды қолданбай, тағы 2 адамды аман есен шығарды.
