Суға батып кеткендердің арасында 2005 жылы туған жасөспірім бар. Қайғылы оқиғалар қаланың саяжайларында орын алған,- деп хабарлайды Semeytany.kz ақпараттық порталы.
10 шілде күні сағат 15: 30-да Семей қаласының құтқарушыларына Бобровка саяжай алабында (2-ші саяжай) 1991 жылы туған ер адам суға батып кеткені туралы хабарлама келіп түсті, деп хабарлады қалалық ТЖБ. Сағат 16: 05-те СП-7 құтқарушылары денені судан алып шықты.
Сол күні сағат 18: 30-да Восточный кентінде 2005 жылы туған жасөспірім суға батып кетті. Оның денесі 19:20-да жағаға көтерілді.
Семей қаласының ТЖБ қала тұрғындарына бұл үшін жабдықталмаған орындарда суға шомылу қаупі туралы ескертеді:
— бейтаныс жерде шомылуға, алысқа жүзуге;
— Өзіңіздің жүзу қабілетіңізге сенімді болмасаңыз ешқашан жалғыз жүзубеуге;
— Балалардың ойындарын тіпті таяз суда да бақылаңыз, өйткені олар ойын кезінде құлап, тұншығып кетуі мүмкін;
— Қайықтардан, катерлерден, айлақтардан суға секірмеңіз;
— Қараңғы уақытта, дауыл мен найзағай кезінде шомылуға қатаң тыйым салынады.
