egov.kz мәліметтеріне сүйенсек, енді Шығыс Қазақстан тұрғындары өздерінің ЖСН/БСН-де тіркелген жер учаскелері туралы мәліметтерді электрондық порталда алатын болады.
Қызметті алу үшін электронды порталда авторизациядан өтіп, «Жылжымайтын мүлік» бөлімінде «Мемлекеттік жер кадастрынан мәліметтер беру» қызметін таңдап, онлайн тапсырыс беру қажет. Содан кейін қызмет алушыға ЖСН/БСН көрсетіледі, кейін «Жердің бар-жоғына сұрау жіберу» батырмасын басу қажет.
Тіркелген жерлер болмаған жағдайда мәртебе бірден көрсетіледі және «Анықтама алу» батырмасы пайда болады.
«Бұрын бұл мәліметтерді алу үшін ХҚКО арқылы өтінім беріп, үш күн күту керек болатын. Енді сіз үйден шықпай–ақ жер кадастрынан ақпарат ала аласыз, ал жердің жоқтығы туралы мәртебе бірден көрсетіледі. Иелері барлық тіркелген жерлер бойынша толық ақпаратты 15 минут ішінде анықтама түрінде ала алады», – дейді ШҚО бойынша «Азаматтарға арналған үкімет» филиалы директорының орынбасары Дмитрий Галанин.
Нәтижесінде қызмет алушы бір мезгілде 10 жерге дейін таңдау мүмкіндігі бар мемлекеттік жер кадастрының автоматтандырылған ақпараттық жүйесінде тіркелген мекенжайы, ауданы және нысаналы мақсаты туралы ақпаратты ала алады, кейіннен анықтама алу үшін жеке кабинетке өтіп, егжей-тегжейлі ақпараты бар жерлердің тізімін алады.
Бұған қоса «Азаматтарға арналған үкімет» мемлекеттік корпорациясы жер кадастры саласы бойынша кез келген күрделіліктегі жерге орналастыру жобаларын әзірлеу (ЖТҚ, ЖҚШ, үй-құрылыстар, ш/қ, гараждар, жер қойнауын пайдаланушылар, инфрақұрылым объектілері); жергілікті жердегі жер учаскелерінің шекараларын белгілеу; ауыл шаруашылығы өндірісінің шығындарын айқындау; мемлекеттік жер кадастры мәліметтерін ұсыну және т.б. коммерциялық қызметтер көрсетеді.
Айта кету керек, 6 айда ШҚО филиалы бойынша жер учаскесіне 13 мыңнан астам акт, жер учаскесінің кадастрлық (бағалау) құны туралы 1600-ге жуық анықтама, мемлекеттік жер кадастрынан 7 мыңнан астам мәлімет, жер учаскесінің сапалық жағдайы туралы 575 ақпарат берілген.
Әлібек КЕМЕЛХАН,
«Семей таңы»
