Абай облысында жаңа оқу жылында 4 жаңа мектеп пайдалануға беріледі. Бұл туралы Абай облысының әкімі Нұрлан Ұранхаев ҚР Үкіметінің отырысында хабарлады.
Бүгін Үкіметте оқу жылының басталуына дайындық барысы қаралды. Абай облысы бойынша ақпарат: Білім беру нысандарының жылу беру маусымына дайындығы 97% — ды құрайды. Мектебі жоқ 156 елді мекеннен 3137 оқушы тасымалдаумен қамтамасыз етіледі. Педагогтердің 85% қайталап егілді, ревакцинация жұмысы 25 тамызға дейін аяқталады. 157 балабақша мен 202 шағын орталық мектеп жасына дейінгі 25 305 баланы қабылдауға дайын.
Ағымдағы жылы техникалық және кәсіптік білімі беру жүйесі бойынша 4534 грант бөлінді. Облыста жалпы контингенті 17,9 мың студент болатын 3 ЖОО жұмыс істейді.
