Кешенді абаттандыру жұмыстары 14 аулада жүргізіледі. Шығыс Қазақстан облысы орталығында “Менің аулам» бағдарламасын жүзеге асыру жалғасуда. Кешенді абаттандыру жүргізілетін учаскелердің тізімі «Халық қатысатын бюджет» жобасы аясында қала тұрғындары тарапынан түскен және ең көп дауыс жинаған өтінімдерге сәйкес жасалды. Барлығы 14 аула іріктеліп алынған. Өткен жұмада жұмыстар Новаторлар көшесі, 8 мекенжайында басталды.
«Менің аулам» бағдарламасы бойынша абаттандыру жұмыстары Тынышпаев көшесі, 139; Челюскин, 1 және Шлюзная, 1А; Халықтар Достығы көшелері, 1 және Воронина, 12; Әуезов даңғылы, 13, 15; Қазақстан көшесі, 91, 93, 95; Қазақстан көшесі, 80, 82, 84, 86, 90; Чехов, 49 және Нұрмағамбетов, 43, 45 көшелері; Металлургтер көшесі, 35; Астана көшесі, 32/1, 34, 34/1, 34/2; Ново-Ахмер көшесі, 14; Н. Назарбаев даңғылы, 145; Вострецов, 19, Косарев, 31, Казанская, 10, Братская, 44, 46 көшелері мен Сәтпаев даңғылы, 14, 14/1, 14/2, 16 мекенжайлары бойынша жүргізіледі:
Бұдан басқа, Н.Назарбаев даңғылындағы 87-ші үйдің аумағында сквер жасалады.
Биыл сонымен қатар «Халық қатысатын бюджет» бағдарламасы аясында тағы 12 аулада балалар алаңдары орнатылды. Сондай-ақ, қалалық әкімдіктің ақпараты бойынша, воркаут алаңдары бар бес футбол алаңының құрылысына қаражат бөлінген.
Еске сала кетейік, «Халық қатысатын бюджет» жобасын жүзеге асыруға, яғни балалар алаңдарын жабдықтау жұмыстарына, тротуарлар төсеп, көшелерді жарықтандыру және ауыстыруға 900 миллион теңге бөлінген.
Өз тілшіміз
