Тарбағатай ауданының орталығы Ақжар ауылындағы 17 көшеде жарық шамдары орнатылуда. Сонымен қатар мердігерге аудандық әкімдік тарапынан жоспардан тыс тапсырма беріліп, аудан орталығындағы негізгі әрі ең ұзын көше — Байжігіт көшесінің орта тұсы мен Тұрар Рысқұлов көшесінің аяқталар тұсына энергоүнемдегіш шамдар қойылатын болды. Алдағы уақытта сондай-ақ Жамбыл, Сансызбай, Дәулетбай көшелеріндегі электр бағандары боялып, жарық шамдары ауыстырылады деп жоспарлануда.