Аудан әкімінің орынбасары Жанна Асқарова Алтай қаласының әкімі аппаратының мемлекеттік қызметшілері мен тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің мамандарымен жиын өткізді.
Кездесу барысында аудан әкімінің орынбасары биылғы ақпан айында Мемлекеттік қызметшілер этикасы кодексіне енгізілген өзгерістерге егжей-тегжейлі тоқталды. Кодекске енгізілген өзгерістерге сәйкес, мемлекеттік қызметтің этикалық қағидаттары — адалдық, адамгершілік, әділдік, ашықтық, сыпайылық деп айқындалған. Қазақстан Республикасы мемлекеттік қызметшілерінің Этикалық кодексі халықтың мемлекеттік органдарға деген сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлқының алдын алуға бағытталған. Жанна Асқарова қызмет барысында этика, әділеттілік, сыпайылық және азаматтар мен әріптестер арасындағы қарым-қатынастың дұрыс болуы мемлекеттік қызметшілердің басты міндеттерінің бірі екенін ескертті.
