Жақында аудан әкімінің орынбасары Ж.Асқарованың төрағалығымен қоныс аударушылар мен қандастарды қабылдау жөніндегі жұмыс комиссиясының отырысы өтті. Жиын барысында комиссия мүшелері ауданға қоныс аударушыларды қабылдаудың өңірлік квотасына ерікті түрде қоныс аударуға ниетті қатысушылар тізімін бекітті.
Жұмыспен қамту орталығының директоры Берікжан Бекбусинов қоныс аударуға арналған өтінімдерді қарау алгоритмін, жұмыс күшінің ұтқырлығын арттыру үшін адамдардың ерікті түрде қоныс аударуын ұйымдастыру және көшуге субсидиялар төлеу, тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеу тәртібін түсіндірді.
Жұмыспен қамту орталығының директоры Берікжан Бекбусинов қоныс аударуға арналған өтінімдерді қарау алгоритмін, жұмыс күшінің ұтқырлығын арттыру үшін адамдардың ерікті түрде қоныс аударуын ұйымдастыру және көшуге субсидиялар төлеу, тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеу тәртібін түсіндірді.
Ауданға қоныс аударуға ниетті азаматтарға жоба шарттарына сәйкес аудан аумағында кемінде 5 жыл тұруы тиіс екендігі түсіндірілді. Егер қоныс аударушылар аудан аумағынан белгіленген мерзімге дейін кететін болса, оларға берілген ақшалай қаражатты мемлекетке қайтаруға тура келеді. Қатысушылардың барлығының дерлік жоғары білімдері бар және ауданда ұзақ мерзімге тұруға ниет білдіруде.
Еске сала кетейік, елімізде іске асырылып жатқан «Қуатты өңірлер – ел дамуының драйвері» ұлттық жобасы тұрғындардың базалық қызметтерге тең қолжетімділігін қамтамасыз ету, тұрғын үй-коммуналдық жағдайды әрі көлік байланысын жақсарту, сондай-ақ елдің транзиттік әлеуетін және халықтың мобильділігін арттыру мақсатында қолға алынған. Бұл – мемлекет жүргізіп отырған ең ұтымды бағдарламалардың бірі.
Аталған ұлттық жобаның аясында 2026 жылға дейін солтүстікке қоныс аударған азаматтардың жұмыспен қамтылу деңгейін 87 пайызға дейін жеткізу көзделген. Инфрақұрылымдық жобаларды еңбек ресурстарымен қамтамасыз ету үшін оңтүстік аймақтардан 35 мың адамды тарту жоспарланған. Еңбек күші тапшы өңірлерді қолдау мақсатында Еңбек және халықты әлеуметтік қорғау министрлігі жыл сайын оңтүстіктен солтүстікке қоныс аударушылардың квотасын бекітеді. Биылғы жылы квота 6587 адамды құрады. Бұл туралы ҚР Премьер-Министрінің орынбасары Ералы Тоғжанов Сенат депутаттарының сауалына берген жауабында мәлімдеген болатын.
Дана ТАЛҒАТБЕК,
«Семей таңы»
