Әйгерімнің әу баста ата анасы қойған есімі Шүкмән болған. Абай Әйгерімді алғаш көргенде Тоғжан көзіне елестеп кеткендей болады.
Әнші қызды, өзінің қолы жетпей кеткен Тоғжанына ұқсатып, алғашқыда есенгіреп қалады. «Ойпырмай, осындай да ұқсастық болады екен-ау», деген ой келіп, кейін сол қызға сөз салып, үйленеді. Өте нәзік, ажарлы, айдай керілген аруды Оспан мен Абай өзара айдай керілген қыз деп атап, содан Айкерім есімі туады. Кейін келе бұл есім буын үндестігіне түсіп, «Әйгерім» болады.
Әйгерім мен Тоғжан Абайдың музалары болған.Алғашқы махаббаты Тоғжанмен өмірлік жолы түйіспесе де Абайдың шығармашылығына қанат бітіргені көпшілікке «Абай жолы» эпопеясы арқылы жақсы таныс. Тоғжанға ес түссіз ғашық кездерінде талай өлең дүниеге келген. Тоғжанға көз қырын салып жүргенін қыздың ағалары сезіп, Абайдың артынан қуады. Қашып келе жатқан сәтте шығарған өлеңі «Сап сап көңлім, сап көңлім » деп аталады.
