«AMANAT» партиясы Абай облыстық филиалының үндеуі
Қостанай облысы Әулиекөл ауданындағы күрделі өрт жағдайынан бірнеше елді мекендерден тұрғындарды эвакуациялауға байланысты «AMANAT» партиясының Абай облыстық филиалы өрттен жапа шеккен тұрғындарға көмек көрсету жөнінде үндеу жариялады.
Партияның бастамасы бойынша 4 қыркүйек күні сағат 9.00-ден бастап барлық өңірлерде гуманитарлық көмек қабылдау пунктері ұйымдастырылды.
Абай облысында қабылдау пункті Семей қаласы, Шәйжүнісов көшесі, 138 үй мекен-жайында орналасқан.
📞 Байланыс телефондары 8 (7222) 52-29-66, 8 701 488 93 86 (Қаканов Қайрат Қаканович).
Зардап шеккендерде азық-түлік, медициналық препараттар, төсек-орын жабдықтары, қоныстарын қалпына келтіру, киім-кешекпен қамту мәселесінде қажеттілік туындайды.
Жақынына жәрдем көрсетіп, қайыр-берекесімен танылған Абай елі, өзіне тән жомарттығымен, қиындыққа душар болған отандастарымыздың рухын көтеріп, моральдық және материалдық көмек қолын созады деп сенеміз!
Абай облысы – Қостанаймен бірге!
