Қостанай облысындағы өрт салдарынан үйсіз қалған отбасыларға 1 миллион теңгеден беріледі. Бұл туралы Halyq Bank-тің баспасөз қызметі мәлімдеді.
Хабарламаға сәйкес, үйсіз қалған отбасылардың әрқайсысына 1 миллион теңгеден беріледі. Бұл үйді жалға алу, киім-кешек, азық-түлік пен өзге де қажетті тауарларды сатып алуда көмек болады. Сонымен қатар банк басшылығы үйі өртеніп кеткен азаматтардың Halyq Bank-тегі несиелерін кешіру туралы шешім қабылдаған. Еске салайық, бұған дейін премьер-министр өрт салдарынан баспанасыз қалғандарға жаңа үйлер салынатынын мәлімдеген еді.
