Семейде орманға кіруге және ормандағы кез-келген қызметке тыйым салынды, — деп хабарлайды Semeytany.kz ақпараттық порталы.
— Ауа температурасының +38°С-қа дейін қалыптан тыс көтерілуіне байланысты «Семей орманы» мемлекеттік орман табиғи резерватының мемлекеттік орман қорының аумағында жоғары өрт қауіптілігі сақталады! Осыған байланысты орманға кіруге және ормандағы кез-келген қызметке ТЫЙЫМ САЛЫНАДЫ!, — деп «Семей орманы» МОТР өзінің инстаграм парақшасында жариялады.
— Сондай-ақ, орманды дала мен далалы аймақтарда абай болыңыздар!
Отты абайсыз пайдалану, ұшқын сөндіргішсіз автотракторлық техникамен жұмыс, тасталған шылым қалдықтары немесе жанып жатқан сіріңке, тұрмыстық қоқыс құрғақ шөпті өсімдіктер мен қылқан жапырақты орман жамылғысының өртке орануына және сөндіруге қиынға түсетін, жоғарыдағы қаулама өртке әкеп соқтыруы мүмкін!, — деп айта кетті.
Табиғатты сақтаңыздар! Орман және оның мекендеушілерін қорғаңыздар!
Қырағылық танытыңыздар, ойланбай істелген әрекет үлкен апатқа әкелуі мүмкін!
«Семей орманы» МОТР
