Зайсанға жаңа әкім тағайындалды. Зайсан ауданына жұмыс сапарымен келген аймақ басшысы Даниал Ахметов актив отырысында жаңа басшыны таныстырды.
Облыс әкімінің өкімімен «Қазақстан Республикасының мемлекеттік қызметі туралы» Қазақстан Республикасы Заңының 14-бабына сәйкес Зайсан ауданының әкімі болып Қажанов Дулат Зайсанбекұлы тағайындалды.
Әкімдердің ауыс-түйісі қалыпты жағдай десек те ел аузында Зайсанға барған әкімдердің келгені кеткенше асық болады деген де әңгіме бар. Кім білсін? Жері киелі , талай ақын мен жазушыны дүниеге әкелген ,сөзі жүйелі жайсаң мекен жайлы алыпқашпа әңгімені әзірше қоя тұрып ,әкімдер тақырыбына тоқталайық.
Сонымен Дулат Қажанов өзінің туған жеріне басшылыққа барған төртінші әкім. Шығыс Қазақстан халқына есімі жақсы таныс, іскер әкімдердің қатарындағы Серік Зайнулдин ауданға үш мәрте басшылық жасаса, Бірнеше ауданды және облыс орталығы Өскеменді екі мәрте Басқарған Темірбек Қасымжанов, облыс әкімінің орынбасары басқа да облыстық деңгейдегі лауазымдық қызметтерді атқарған азаматтар осы Зайсанға басшылық жасады: Серік Зайнулдин, Темірбек Қасымжанов, Серік Ахтанов, Дулат Қажанов.
Қажанов Дулат Зайсанбекұлы 1984 жылдың 15 маусымында Шығыс Қазақстан облысы Зайсан қаласында дүниеге келген. 2007 жылы С.Аманжолов атындағы Шығыс Қазақстан мемлекеттік университетін «Мемлекеттік менеджмент және жергілікті басқару» мамандығы, 2011 жылы «Экономика» мамандығы бойынша тәмәмдаған. Шығыс Қазақстан облысы Ұлан ауданы әкімінің орынбасары, Шығыс Қазақстан облысы Күршім ауданының әкімі лауазымдық қызметтерін атқарған.
Дулат Зайсанбекұлының жұмысына табыс тілейміз!
