Бүгін Абай облысының әкімі Нұрлан Тельманұлы Ұранхаев жұмыс сапарымен Жарма ауданына барып, аудандық мәслихаттың кезектен тыс сессияссына қатысты.
Маусым айының соңында бұрынғы аудан басшысы Нұрымбет Сақтағанов қызметтен кеткеннен бері әкім тағы бос тұрған ауданға басшылыққа осы уақытқа дейін Бесқарағай ауданының әкімі қызметін атқарып келген Жарқынбек Борашұлы Байсабыровтың кандидатурасы ұсынылды.
Мәслихат депутаттарды аталған кандидатураны бірауыздан қолдады.
Аймақ басшысы аудан активіне Жарқынбек Борашұлын таныстырып, оның жаңа қызметіне сәттілік тіледі.
Жарқынбек Борашұлы 1969 жылы Үржар ауданы «Бірінші май» ауылында дүниеге келген.
Екі жоғары білімі бар. Атап айтқанда 1992 жылы Семейдің зоотехникалық-малдәрігерлік институтын, 2008 жылы — М.Әуезов атындағы Семей университетін тәмамдады.
«Құрмет» орденінің иегері. Еңбек жолын 1992 жылы «Калинин» колхозында бастаған.
1998-2004 жылдары «Ерасыл» шаруа қожалығының басшысы, 2004-2006 жылдары Некрасов ауылдық округінің әкімі болған. 2006-2008 жылдары аралығында Жоғары Егінсу ауылдық округінің әкімі лауазымын атқарса, 2008 жылдың сәуір айынан 2017 жылдың қарашасына дейін Үржар ауданы әкімінің орынбасары болып қызмет еткен.
2017-2021 жылдары Абай ауданын әкімі болған. Ал, өткен жылдан бері облысымыздағы Бесқарағай ауданының әкімі.
«СТ» — ақпарат
