Мемлекеттің саяси бағыт — бағдарын айқындау қарапайым ойлауға жатпайтын құбылыс. Ол ерінбегеннің барі істейтін етікшінің жұмысы емес.
Қазіргі мемлекет басшысы бұған дейінде қиын жағдайға тап болды. Мемлекетті жар басына апарған қаңтар уақиғасын айтам. Билік дәл сол кезде де батыр, батыл қимылдап шұғыл шешім қабылдаған. Халықты да, мемлекетті де қауіп-қатерден аман алып өткен. “Көрмес түйені де көрмес” деген мен емес, ата-бабамыздың сөзі. Байыптап қарасақ геосаяси жағдай ушығып тұр.
Дәл қазір бұрынғы КСРО құрамындағы — біздің айналамыздсғы 6 мемлекетте қантөгіс соғыс жүріп жатыр. Бұл бүкіл әлемдік деңгейдегі дипломат басшыны бейғам отырғызбайтын жағдай. Бір ай шамасында президентіміз бір неше қиырға сапарлап, ондаған мемлекеттің басшысымен жүздесіп, бізге ашық та — жабық әңгіме жүргізді. Дәл қазір де мұқиттың арғы бетіне аттанған.
Егер билік 100 күн бұрын өткен байсалды референдумнан кейін де шалт қимылға көшіп жатса көпке беймәлім қауып-қатердің болғаны. Ол қауіп мемлекетке, ұлтқа, тәуелсіздікке, тұтастыққа төнуі мүмкін.
Президентті 7 жылға сайлау және оны таяу уақытта өткізу деген сөз ол — ел ішіндегі ушығуы мүмкін талас-тартысты бәсейту, біраз жылға тыныштық сақтау, бір беткей тұрақты даму кезеңін қалыптастыру деген сөз.
Елімізді 30 жыл билеген топ сол ен байлықты емін-еркін иемденген кезін қайтарғысы келмей ме? Әрине ол үшің барын салады. Ол үшін сан мың түрлі тәсіл табады.
Саяси шерулердің кез келген сәтте қантөгіске ұласатынын көзіміз көрді ғой. Ел іші тыныш болғанда ғана, заң әділ әрі қуатты болғанда ғана ұлт және оның мұраты жеңіске жетеді. Президентімізді бір ретке сайлайық. Кем дегенде жеті жыл тұрақты даму жолына, талас-тартыссыз, айқай-шусыз еңбек етуге бірігейік ағайын.
Биіктен қараған кісіге бәрі көрінеді. Біздің президентіміз Бір мемлекеттің ғана емес, бірлескен ұлттар ұйымының биігінен қарай алатын кісі. Біз болжамаған, біз білмеген улы шөптер ол кісі үшін көз алдында көктеп келе жатуы мүмкін.
7 жылға сайлау 7 жыл тұрақты даму. Басшымызды қолдайық ағайын.
Алмасбек Ахметбек, ақын
Айсұлу Дутбаева
