Қазақстан президенті Қасым-Жомарт Тоқаев мерзімінен бұрын өтетін президенттік сайлауды 20 қараша күніне белгіледі, деп хабарлайды Semeytany.kz ақпараттық порталы. Тиісті жарлық Ақорданың сайтында жазылды.
“Қазақстан Республикасы Президентінің кезектен тыс сайлауы 2022 жылдың 20 қарашасына тағайындалсын”, – делінген сәрсенбі күнгі ақпаратта.
Қасым-Жомарт Тоқаев Қазақстан халқына Жолдауында кезектен тыс президент сайлауын осы күзде өткізуді ұсынған.
17 қыркүйекте Қасым-Жомарт Тоқаев президент мандатын қайта сайлану құқығынсыз бір ғана жеті жылдық мерзіммен шектейтін заңға қол қойды.
