23 қыркүйек күні кемеңгер жазушы Мұхтар Омарханұлы Әуезовтің 125 жылдық мерейтойына орай Әлихан Бөкейхан Университеті және Лев Гумилев атындағы Еуразия Ұлттық Университетінің қызметкерлері мен білім алушыларының ұйымдастыруымен Семей – Бөрілі бағытында 85 шақырымдық ультрамарафон қашықтығына жүгіру акциясы өтеді.
Акцияның мақсаты – Мұхтар Әуезовің мерейтойын кең көлемде насихаттау әрі азаматтарды салауатты өмір салты мен спортпен айналысуға шақыру.
Акция аясында ультрамарафондық қашықтықты жерлесіміз, кәсіби марафоншы, Лев Гумилев атындағы Еуразия Ұлттық Университеті әлеуметтану кафедрасының доценті Рамазанов Салықжан Саттарұлы жүгіріп өтеді. Жүгіру 23 қыркүйек күні сағат 9-да Семей қаласының Әуезов алаңынан басталады.
