2022 жылы 22 қыркүйекте 14:20 Бәйшешек көшесінде орналасқан үйден өрт шыққаны туралы хабарлама түсті, — деп хабарлайды semeytany.kz ақпараттық порталы
Құтқарушылар келгенде жеке үйдің бірінші қабатында есік, терезе, төбе жабындылары мен жеке заттар жанып жатқаны белгілі болды. Өрттің жалпы ауданы 50 шаршы метрді құрады.
Өрт сөндіру бөлімшелерінің жедел әрекеттерінің арқасында қызыл жалын қысқа уақытта ауыздықталып, үйдің басқа бөлмелеріне өткен жоқ. Өрт сөндіру кезінде жанып жатқан ғимараттан газ-түтінінен қорғау қызметінің буыны көлемі 27 литр болатын 1 газ баллонын алып шықты.
Өрттің алдын ала себебі электр жабдықтарын пайдалану кезінде өрт қауіпсіздігін сақтамау.
Өрттерді және адамдардың қаза болуын болдырмау мақсатында Абай облысы ТЖ Департаменті өрт қауіпсіздігі талаптарын елемеу қаупті екенін еске салады.
Есіңізде болсын: қарапайым ережелерді сақтамау қайғылы жағдайға әкелуі мүмкін
Абай облысы ТЖД «ӨСжАҚЖҚ» РММ баспасөз қызметі
