Қариялар жас ұрпаққа жол көрсететер темірқазық іспетті. Тәжірибесі мол аға буынның өмір жолы, көргені мен білгені, ақыл-кеңесі құнды кітаппен пара-пар. 1 қазан – Халықаралық қарттар күніне орай, Семейдегі Қалалық Мәдениет сарайында салтанатты жиын өтті. Мерекелік шараға қалалық мәслихат хатшысы Бейсенбек Ақжалов, ардагерлер кеңесінің төрағасы Мұратқазы Алин және түрлі салада қызмет еткен аға ұрпақ өкілдері қатысты.
Еліміздегі әрбір қарт адамға мате- риалдық көмек көрсетіп, қамқорлық таныту – Үкіметтің әлеуметтік саясатының негізгі бағыттарының бірі. Бүгінде Абай облысында 97 мыңнан астам зейнеткер тұрады. Биылғы жылдың басынан мыңға жуық ҰОС ардагерлері мен оларға теңестірілген тұлғаларға «KARAGAILY» шипажайына те- гін жолдама беріліп, тиісті ем алыпты. Сондай-ақ шаһарымызда 2021 жылдан бастап Белсенді ұзақ өмір сүру орталығы жұмыс істейді. Мұнда зейнеткерлердің бас қосып, спортпен шұғылданып, денсаулықтарын жақсартуларына жағдай жасалып отыр. 1 қазанда облыс көлемінде Қарттар күніне орай қайырымдылық айлығы басталды. Акция шеңберінде қалалар мен аудандардың әкімдері, кәсіпорындар мен ұйымдардың басшылары қа- рияларға әлеуметтік қолдау көрсету мақсатында түрлі іс-шаралар ұйымдастыруда. Ал амбулаториялық-емха- налық ұйымдарда Ашық есік күндері өткізіліп, тегін кеңестер берілуде. — Ардақты ардагерлер! Қадірлі аға буын өкілдері! Сіздерді 1 қазан – Халықаралық қарттар күні мерекесімен құттықтаймын! Біз әрқашан «Үлкенге — құрмет, кішіге — ізет» деген аталы сөзді ұрпағының бойына сіңіріп өскен, қариясын қадірлеп, ардагерін ардақтаған текті елдің ұрпағымыз. Ардагерлер – еліміздің алтын қоры. Тәжірибесі мол аға буынның өмір жолы біз үшін аса құнды. Қазыналы қарияларымыз — мейірімділік пен қамқорлықтың нышаны. Егемен елімізде қарттарымызға қашанда лайықты құрмет көрсетілуі тиіс. Баршаңызға көтеріңкі көңіл-күй, мықты денсаулық, баянды ғұмыр тілеймін,- деп жүрекжарды лебізін білдірді қала- лық мәслихат хатшысы Б.Ақжалов. Қазыналы қарттарды қалалық арда- герлер кеңесінің төрағасы Мұратқазы Әлин де құттықтады. — Құрметті әріптестер, ардақты ар- дагерлер, баршаңызды мерекелеріңізбен құттықтаймын! Сіздер қоғамның түрлі саласында қызмет етіп, еліміздің дамуына өз үлестеріңізді қостыңыздар. Сіздерге деген құрметіміз ерекше. Әлі күнге дейін қаламыздың қоғамдық өмірінен тыс қалмай, аза- маттық ой-пікірлеріңізбен бөлісіп отырасыздар. Сіздердің зейнет жасынан кейін де осылай белсенді өмір сүргендеріңіздің қоғамымыз бен жас ұрпаққа берер тағылымы зор,- деді Мұратқазы Сейсенұлы. Салтанатты жиын мерекелік кон- цертке ұласып, Мәдениет сарайының өнерпаздары ән мен күйден шашу шашты.
Жадыра ТЛЕГЕНҚЫЗЫ,
«Семей таңы»
