Бүгінде Абай облысында баспана кезегінде 18 мыңға жуық адам тұр. Облыс әкімдігі баспасөз қызметінің мәліметіне сүйенсек, өңір бойынша биыл мемлекеттік тұрғын үй қорынан кезекте тұрғандар үшін 276 пәтер беру жоспарланып отыр.
«Халықты баспанамен қамту – тұрғындардың өмір сүру сапасын арттырудың негізгі бағыттарының бірі. Бүгінде Абай облысында 18 мыңға жуық адам баспана кезегінде тұр. Оның ішінде жетім балалар, көп балалы отбасылар, мемлекеттік қызметкерлер, ҰОС ардагерлері және жалғыз баспа- насы апатты жағдайда деп танылған азаматтар бар. Жыл басынан бері 113,6 мың шаршы метр тұр- ғын үй пайдалануға берілді», — делінген ақпаратта. Сонымен қатар Семейдің орталық көшелеріндегі көп қабатты 19 үйдің қасбетіне жөндеу жұ- мыстары жүргізілуде. Сонымен қатар жер үйлер аумағында 36 спорттық алаң мен футбол алаңы тұрғызылмақ. «Жалпы облыс бойынша 51 көп қабатты үйдің ауласы абаттандырылады. Оның ішінде 35 үй Семейде, 16 үй Аягөз қаласында орналасқан», — делінген хабарламада. «СТ»-ақпарат
