Шығыс Қазақстан облысының екі қаласы және тоғыз ауданы елордада 1-2 қазан күндері өткен жәрмеңкеге қатысты. Аймақтың тауар өндірушілері мен қайта өңдеу кәсіпорындары Астана тұрғындарына 40-тан астам жоғары сапалы, экологиялық таза өнімдер ұсынды.
«Астана Арена» стадионының аумағында ұйымдастырылған жәрмеңкеге шығыс өңірінен 120,8 тонна өнім жеткізілді. Атап айтсақ, 11,6 тонна жылқы еті, 1,7 тонна сиыр еті, 0,5 тонна қой еті, 48,5 тонна бал, 14 тонна өсімдік майы, 16 тонна картоп пен көкөніс өнімдері, 8 тонна сүт өнімдері, 3 тонна бақша дақылдары, 5 тонна құс еті, 5,5 тонна балық, 2 тонна шұжық өнімдері, 5 тонна қымыз ұсынылды. Бұған қоса ұлттық өнімдер мен панта өнімдері де саудаланды.
Сондай-ақ жәрмеңке аясында елорда тұрғындары мен қонақтары үшін концерттік бағдарлама ұсынылды.
«СТ» -ақпарат
