Өткен жұма, 14 қазан күні қалалық ардагерлер кеңесінің отырысы өтті. Отырысқа қала әкімі Нұрбол Нұрсағатов, облыстық ардагерлер кеңесінің төрағасы Мұратқазы Алин және ардагерлер қатысты.
Айтолқын САМАТОВА,
«Семей таңы»
Жиын барысында Абай облысының құрылуына орай облыстық ардагерлер кеңесінің құрамына мүше болып сайланған қалалық ардагерлер кеңесі мүшелерінің орны толықтырылды. Қалалық ардагерлер кеңесінен сегіз адам облыстық кеңес мүшелігіне өткен болатын және екі адам өз өтініші бойынша кеңес құрамынан босатылды. Ардагерлердің қолдауымен жиыны отыз тоғыз адамнан тұратын кеңестің жаңа құрамы бекітілді. Ал кеңес төрағасы болып ардагерлердің ұсынысымен осы ұйымның мүшесі, қалалық жұмыспен қамту және әлеуметтік бағдарламалар бөлімінің ардагері Қанатқали Құндақов бірауыздан сайланды.
— Құрметті қалалық ардагерлер кеңесінің жаңа мүшелері, біз сіздермен тізе қосып жұмыс істеуге әрқашан дайынбыз. Қаламыздағы түйткілді мәселелерді қозғап, шешімін табуына өз үлестеріңізді қосып жүрсіздер. Сіздер секілді белсенді жандарға біз мұқтажбыз. Алдағы жұмыстарыңызға сәттілік тілеймін,- деді қала әкімі Н.Төлегенұлы.
