Абай атындағы әмбебап кітапханада мәдениет, спорт, туризм және ақпарат саласы
қызметкерлерінің қатысуымен облыстық кәсіподақ ұйымының отырысы өтті.
Жиынға «Қазақстандық салалық мәдениет, спорт, туризм және ақпарат
қызметкерлерінің кәсіптік одағы» қоғамдық бірлестігі төрағасы С.Иманқұлова,
«ШҚО мәдениет, спорт, туризм және ақпарат қызметкерлерінің кәсіптік одағы»
қоғамдық бірлестігі филиалының төрағасы Т.Түсіпбеков, Абай облысының
мәдениет, тілдерді дамыту және архив ісі басқармасы басшысы А.Ибраев, Қазіргі
заман тарихын құжаттандыру орталығының директоры Б.Мусин және облыстық
кәсіподақ ұйымдарының белсенділері қатысты.
Дана ТАЛҒАТБЕК,
«Семей таңы»
Жиында сөз алған «ШҚО мәдениет, спорт, туризм және ақпарат қызметкерлерінің кәсіптік
одағы» қоғамдық бірлестігі филиалының төрағасы Түсіпхан Түсіпбеков кәсіподақтың
тәуелсіз ұйым екенін айта келе, облыстық кәсіподақ ұйымының мүшелері алдағы
уақытта Абай облысының орталығында мәдениет, спорт, туризм және ақпарат
қызметкерлерінің жеке филиалын құру мәселесін талқылау мақсатында жиналып
отырғандарын атап өтті.
Абай облысының Мәдениет, тілдерді дамыту және архив ісі басқармасы басшысы Айдар
Ибраев облыстың кәсіптік одақтарды дамытуға мүдделі екенін және жергілікті атқарушы
органдар, жұмыс берушілер, кәсіптік одақтар бірлестіктері арасындағы үш жақты келісім
шеңберінде қатынастарды жақсарту және нығайту жөніндегі барлық ұсыныстарды қарауға
дайын екенін атап өтті.
— Кәсіподақ ұйымы Мәдениет, спорт, туризм және ақпарат қызметкерлерінің еңбек
саласындағы мүддесі үшін үлкен қызмет атқарып келеді. Ұйым мүшелері – халқымыздың
мәдениеті, тарихы мен өнерін сүйетін нағыз жанашыр адамдар. Қазірде облыстық
мәдениет басқармасына қарасты 14 мекеме бар, бұл мекемелерде 733 қызметкер болса,
соның 532-сі кәсіподаққа мүше, — деді Айдар Маратұлы.
Жиын барысында «Қазақстандық салалық мәдениет, спорт, туризм және ақпарат
қызметкерлерінің кәсіптік одағы» қоғамдық бірлестігі төрағасы Светлана Кеңесқызы Абай
облысында кәсіподақ қозғалысын ұйымдастыру перспективалары туралы айтты.
— Қазақстан бойынша кәсіподақ ұйымдарының 17 филиалы бар. Жаңадан құрылған 3
облыста жаңа филиал ашу мақсатында Абай облысының орталығына келіп отырмыз.
Кәсіподақ – бұл халық үніне құлақ асатын үкіметке саладағы бүкіл проблемаларды
жеткізіп отыратын қоғамдық институттың бір бөлігі. Әлеуметтік-еңбек мәселелері
бойынша түйткілдерді шешуге көмектесетін — кәсіподақтар ұйымы. Сондықтан
кәсіподақтар ұйымының мойнындағы жауапкершілік өте зор, — деді Светлана Иманқұлова.
Шара барысында Абай кітапханасы кәсіподақ ұйымының төрағасы А.Оспанова, Қазіргі
заман тарихын құжаттандыру орталығы кәсіподақ комитетінің төрағасы Л.Қадырова
баяндама жасап, өз ұжымдарында атқарылған жұмыстармен таныстырды.
Ашық диалог форматында өткен кездесу барысында сонымен қатар еңбек келісімдері,
қызметкерлерді әлеуметтік қорғау, жалақыны көтеру сынды мәселелер қозғалды. Семинар
соңында қатысушыларды алдағы Республика күнімен құттықтап, ұйымдардың
директорлары мен кәсіподақ комитеттерінің төрағаларына Құрмет грамоталары мен
«Еңбек даңқы» төсбелгісі табыс етілді.
