Tesla және SpaceX басшысы Илон Маск Twitter-де контентті реттейтін кеңес пайда болатынын айтты. Бұл туралы ол әлеуметтік желідегі парақшасында жазды
«Twitter контентті әртүрлі көзқарастармен модерациялау бойынша кеңес құрады. Бұл кеңес шақырылғанға дейін контентке немесе бұғатталған есептік жазбаларды қалпына келтіруге қатысты маңызды шешімдер қабылданбайды», — деп жазды Маск.
Еске салайық, 28 қазаннан бастап Илон Маск Twitter-ді ресми түрде басқарады. Ол әлеуметтік желіні адамдарға көмектесу үшін сатып алғанын айтқан еді.
