Бокс Азия чемпионатында отандасымыз Серік Теміржанов алғашқы жеңісіне қол жеткізді. Жарыс Иорданияның Амман қаласында өтіп жатыр, деп хабарлайды Stan.kz ақпарат агенттігі.
Серік Теміржанов 57 келіге дейін салмақта түркменстандық Ихлаз Гылычжановпен жұдырықтасты. Үш раунд бойы жекпе-жек Теміржановтың басымдығымен өтіп, төрешілер бір ауыздан жеңісті қазақстандық боксшыға берді.
Серік 2021 жылы Сербия астанасы Белградта өткен әлем чемпионатында күміс жүлдегер атанған. Сонымен қатар жастар арасындағы Азия чемпионы.
Бүгін күндізгі сессияда 63,5 келіге дейінгі салмақта Санатәлі Төлтаев өзбекстандық Руслан Абдуллаевпен жұдырықтасады. Ал кешкі сессияда Токио олимпиадасының қола жүлдегері Сәкен Бибосынов 51 келіге дейінгі салмақта үндістандық Спарш Кумармен кездеседі.
