Қарағанды облысындағы «АрселорМиттал Теміртау» АҚ Ленин атындағы шахтада газ апаты болып, 4 кенші қаза тапты. Ал, тағы төртеуі ауруханаға жатқызылды, деп жазады Inbusiness.kz ТЖМ баспасөз қызметіне сілтеме жасап.
«Қолда бар алдын ала мәліметтерге сәйкес, 3 қарашада Шахтинск қаласындағы “Арселор Миттал Теміртау » АҚ Ленин атындағы шахтада түнгі сағат 3:00 шамасында газдренажды ұңғымаларды бұрғылау кезінде газдың кенеттен шығуы орын алды. Бұл 4 жұмысшының өліміне әкеп соқты, тағы бір жұмысшыны іздеу жұмыстары жалғасып жатыр, ал төртеуі ауруханаға жатқызылды», — деп жазылған хабарламада
Ведомствоның деректері бойынша шахтаның 106 қызметкері эвакуацияланған.
«Оқиғаның мән-жайы анықталып жатыр. Апатты тергеу жөніндегі комиссия құрылады. Тергеу нәтижелері бойынша оқиғаның себептері мен мән-жайы анықталады», — деп жазылған министрліктің хабарламасында.
Еске сала кетсек, 7 қыркүйекте «АрселорМиттал» Басқарма төрағасы Лакшми Миттал Премьер-Министр Әлихан Смайыловпен кездесіп, компания алдағы жылдары болат және тау-кен активтерін жаңғыртуға қомақты қаржы салуды жоспарлап отырғанын, бұл ретте қызметкерлерді оқытуға және олардың қауіпсіздігін қамтамасыз етуге үлкен көңіл бөлінетініне уәде еткен болатын.
