Алматыдағы №4 перзентханада салмағы 5 кг 100 грамм нәрестені дүниеге келді, деп хабарлайды Stan.kz ақпарат агенттігі.
Әдетте мұндай ірі нәрестені дәрігерлер кесарь тілігі арқылы босандырады. Сол себепті акушерлер оны толық дайын оталық топтың қатысуымен босандырды. Бұл жолы кесарь тілігін жасау қажет болмады, үш сағаттан кейін дүниеге сәби қыз келді.
«Әйелде қағанақ суының көптігі орын алды, мұндай жағдайда өзі босанғанда ана мен бала үшін белгілі бір қауіп болды. Қағанақ суының көптігі кезінде асқыну болса, кіндіктің түсуі мүмкін еді. Ал бұл өз кезегінде шұғыл түрде кесарь тілігі арқылы босандырудың көрсеткіші болар еді. Ультра-дыбыстық зерттеу кезінде іштегі нәрестенің салмағы 4600-4800 болады деп болжанған. Кесарь тілігі арқылы босану жоспарда болған, бірақ кенеттен туыт басталып кетті. Натальяны Екатерина Самарцева, Индира Кемалова үшеуміз бірге жайылған ота бөлмесінде босандырдық. Бәріміз дайын болдық. Қарашаның бірінде таңғы сағат 5:30-да дүниеге қыз бала келді», — дейді Алматы №4 перзентханасының акушер-гинекологы Айнұр Иманқұлова.
Қазір Наталья үйге шығуға дайындалып жатыр. Қызын Дарья деп атады. Бұл Натальяның отбасындағы төртінші бала.
«Мен 38 жастамын, үлкен қызым 11де, ұлым 9 жаста, содан кейін 2,7 жастағы тағы бір ұлым бар, міне, Дария деген қызым дүниеге келді. Дарья — сыйлық деген сөзден шыққан. Алла Тағала бізге төрт бала сыйлады. Менің үлкен қызым да ірі салмақпен дүниеге келді — 4100 грамм. Даша да ірі, босану қиын болды. Қызымды дүниеге әкелуге көмектескен дәрігерлерге рахмет. Өз жұмысын жақсы, үйлесімді орындайды, 5 деп бағалар едім. Акушерлердің жұмысы өте ауыр, олар нағыз батырлар екен. 2020 жылы осында үшінші баламды босандым, маған перзентхана ұнады, сондықтан Төртінші перзентханаға қайта оралдым», – дейді алматылық Наталья.
Іштегі нәрестенің үлкен болуы қазір сирек жағдай емес дейді дәрігерлер. №4 перзентханада жыл басынан бері салмағы 4 келіден асатын 621 сәби дүниеге келген. Ал салмағы 5 келіден асатын 10 бала туды.
Іште ірі нәрестенің даму себептері: жүкті әйелде қант диабетінің болуы, гемолитикалық ауру — бұл ауру бала мен оның анасы арасында резус қайшылығы орын алғанда болады, тұқым қуалаушылық, екінші және кейінгі жүктілік, жүкті әйел көмірсутекті тағаммен шамадан тыс тамақтанған жағдайда болуы мүмкін.
