4 қараша күні қалалық мәслихаттың кезектен тыс, отыз бесінші сессиясы өтті. Сессияға 16 депутат, қала әкімі Нұрбол Нұрсағатов, қала әкімінің орынбасарлары, қала әкімі аппаратының басшысы Сержан Азбергенов, Қоғамдық кеңес төрағасы Шаған Жұмақсанов, бюджеттік бағдарламалар әкімшіліктері мен БАҚ өкілдері қатысты.
Сессияда алдымен Семей қаласы әкімдігінің және қалалық жер комиссиясының құрамын бекіту туралы шешім қабылданды. Қалалық мәслихаттың хатшысы Бейсенбек Ақжалов жаңадан тағайындалған департамент басшыларын — қала әкімінің орынбасары Данияр Шәкәрімовті, қалалық Полиция басқармасының жаңа басшысы Қайрат Әбдіғалиевты, сондай-ақ дербес атқарушы органдардың жаңа басшылары, атап айтқанда қалалық жолаушылар көлігі және автомобиль жолдары бөлімі басшысы Медет Алтаев және тұрғын үй-коммуналдық шаруашылық бөлімі басшысы Дархан Сейтхановты таныстырып, депутаттық корпус атынан құттықтап, қызметтеріне сәттілік тіледі. Сессия отырысында сөз алған қала әкімі Нұрбол Нұрсағатов қала жұртшылығымен кері байланыс орнатудың маңыздылығын атап өтті. — Әкімшіліктің басты қағидасы – қаламыздың тұрғындарымен кері байланыс жасау. Біз қай уақытта болмасын, әрқашан байланыста- мыз. Халықтың мұң-мұқтажын дер кезінде жеткізіп жатқандарыңыз үшін алғыс айтамын. Әрине, бар- лығы бір күнде шешіле қалмайтыны белгілі, дегенмен айтылған мәсе- лелер бойынша қалалық әкімшілік тарапынан алдағы жылға бірқатар жұмыстарды жоспарлап отырмыз, — деді Нұрбол Төлегенұлы. Сессия барысында сондай-ақ «Мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсаған шығындарын өтеу туралы», «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқандаудың қағидаларын бекіту туралы» шешімдеріне өзгерістер мен толық- тырулар енгізу, «Семей қаласының коммуналдық меншігі болып танылған иесіз қалдықтарды басқару қағидаларын бекіту туралы» қалалық мәслихат шешімінің күшін жою жө- ніндегі мәселелер қаралды. Жалпы, қалалық мәслихат сессиясының күн тәртібінде 6 мәселе қаралды. Депутаттар барлық сұрақ- тар бойынша шығарылған шешімдерді бір ауыздан қолдады.
Дана ТАЛҒАТБЕК,
«Семей таңы»
