Семейде № 256 сайлау учаскесінде азаматтарды Қазақ батырлары қарсы алады, ал ұлттық киім киген әжелер баршаға бауырсақтан дәм татуға шақырды. Бұл туралы Semeytany.kz ақпараттық порталы Aikyn.kz ке сілтеме жасап хабарлайды.
Бұл сайлау учаскесі қалалық мәдениет үйінің ішінде орналасқан. Өз дауысын бергеннен кейін сайлаушылар алпауыт батырлармен және әжелермен суретке түсуге асығуда. Алғашқылардың бірі болып өзінің азаматтық борышын «Қазақ тілі» халықаралық қорының вице-президенті Орал Шәріпбай орындады.
«Бұл Қазақстан үшін тарихи сайлау. Әсіресе, біздің өңір үшін – бұл жаңа Абай облысында өтетін алғашқы сайлау. Мен, ең алдымен, болашақ пен өскелең ұрпақ үшін, еліміздің өркендеуі үшін өз дауысымды бердім. Баршаңызды осы күнмен құттықтаймын және баршаңызды ҚР Президентінің сайлауына қатысуға шақырамын», — деді Орал Шәріпбай.
«Таңдауымды жасадым. Сайлау учаскесіне таңертең ерте келіп, азаматтық борышын орындады. Біз өз Көшбасшымызды таңдаймыз және бұл маңызды сәт. Мен еліміздің болашағы мен оның өркендеуіне дауыс бердім», – деп қосты Қазақстан Жазушылар Одағының Абай облыстық филиалының төрағасы Мерей Карт.
Айта кетейік, Семейде дауыс беру 149 сайлау учаскесінде өтуде.
