23 қараша күні №16 Төлеубай Аманов атындағы жалпы орта бі- лім беретін мектепте ұлағатты ұстаз Клара Сәбиханқызы атын- дағы математика кабинеті ашылды. Салтанатты жиынға қала- лық білім бөлімінің өкілі, ұстаздар мен оқушылар және Клара Сәбиханқызы мен туыстары қатысты.
Қазақ КСР халық ағарту ісі- нің озық қызметкері, еңбек ардагері Клара Сәбиханқызы Сәбиханова 1939 жылы 26 ма- мырда Ақсуат ауданы Ақсуат ауылында дүниеге келген. 1962 жылы Абай атындағы Қазақ педагогикалық институтының математика факультетін тамамда- ған соң Көкпекті ауданындағы М.Горкий атындағы қазақ мектебінде, кейіннен, 1973-2004 жылдары, Семей қаласындағы №16 қазақ орта мектебінде математика пәні мұғалімі, директордың тәрбие ісі жөніндегі орынбасары болып қызмет етіп, шәкірттерінің сапалы білім алуына бар күш-жігерін жұмса- ды. — Биылғы жыл мектебіміз үшін тарихи оқиғаларға толы болды. Мектебіміздің 100 жыл- дық мерейтойын атап өтудеміз. Мерейтой аясында саналы ғұмырын білім саласына арнаған ардагер ұстаздарымыздың құр- метіне бірқатар шаралар ұйымдастырдық. Бүгін, міне, мектебімізде ұзақ жылдар қызмет атқарған Клара Сәбиханқызы атындағы математика кабинеті ашылып отыр. Шаһарымызда №16 мектепті, ең алдымен, Клара Сәбиханқызы қызмет атқарған мектеп деп біледі, — дейді мектеп директоры Бақытгүл Құрманғалиева. Ұстаз атындағы математика кабинетін заманауи үлгіде жабдықтауға мектеп түлектері мен Клара Сәбиханқызының бала- лары мен туыстары демеушілік жасапты. Кабинетте ұстаздың өмірінен сыр шертетін арнайы бұрыш жасақталған. — Біз Клара Сәбиханқызын ұлағатты ұстаз ретінде ғана емес, үш баланың анасы, аяулы жар ретінде де білеміз. Өз ісіне өте тиянақты, шәкірттерінің көңілін таба білетін мұғалім болды. Ұлағатты ұстаз атындағы кабинеттің ашылғанына өте қуаныштымыз, оқушыларымыз игілігін көрсін, — дейді әріптестері.
Талшын ҚАЛИАСҚАР,
«Семей таңы»
