Биылғы 20 қарашада өткен президент сайлауында басым көпшіліктің дауысымен жеңіске жеткен Қасым-Жомарт Тоқаевтың инаугурация рәсімі өтті.
«Қазақстан халқына адал қызмет етуге, Қазақстан Республикасының Конституциясы мен заңдарын мүлтіксіз орындауға, азаматтардың құқықтары мен бостандықтарына кепілдік беруге, Қазақстан Республикасы Президентінің өзіме жүктелген мәртебелі міндетін адал атқаруға салтанатты түрде ант етемін», — деді Қасым-Жомарт Тоқаев ұлықтау рәсімінде.
Ант бергеннен кейін залда еліміздің Әнұраны шырқалып, содан кейін Орталық сайлау комиссиясының төрағасы Қасым-Жомарт Тоқаевқа Президент куәлігін табыс етті.
