16 қарашада Астанада «Қаһарман» тұрғын үй кешенінде өрт шыққан еді. Оқиға салдарынан өртсөндіруші Асқар Забикулин қаза тапты. Өртсөндірушінің жары Желіде жұртты жылатқан жазба жариялады, деп хабарлайды Massaget.kz.
Әнел Забикулинаның сөзінше, олардың шаңырақ көтергеніне бүгін 5 жыл.
«Бүгін біздің мерейтойымыз. Бүгін біздің отбасымызға 5 жыл. Бүгін, әдеттегідей, бір-бірімізді құттықтап, ұзақ уақыт құшақтасып, кешімізді жоспарлауымыз керек еді. Бүгін саған «бірге қартайып, жағымсыз болайық» деп жазылған бенто торт беруім, ал сен жауап ретінде гүл беруің керек еді.
Бірақ бүгін сенсіз өмір сүргеніме 19 күн. Сен ауысымда деген ой алғашқы екі аптада көмектесті. Содан кейін ол «жұмыс істемей қалды». Мұны сөзбен айтып жеткізу мүмкін емес. Әр сантиметрде сенің ізің бар… Кез келген нәрсе: заттан кәмпитке дейін. Мен сені бір кездері айналамызда болған барлық нәрседен табамын… Тастап кетпеген сияқтысың, тек бір жерге кетіп қалғандайсың…» — деп жазған ол.
Оның жазбасы көпке әсер еткен.
«Қазір барлық ойым тек сен туралы. Көптеген сөз айтылмай қалды, әлі көп уақыт бірге болар едік… Өйткені бүкіл өміріміз алда болды және көп нәрсені бірге жасағымыз келді.
Мен мұндай оқиғалар болған кезде «өмір бұрын және кейін деп бөлінеді» деген сөздерді жиі естідім. Мен бұл жай сөздер деп ойладым, бірақ жоқ. Енді қайта өмір сүріп үйренуім керек. Қазір бар күшім қыздарымызда. Мен олар үшін тырысамын. Бірақ жартымды қалай толтырамын? Айтыңыздаршы?! Білмеймін. Бірақ мен бір нәрсені жақсы білемін — сені сүю. Ессіз. Қатты. Мәңгі. Шексіз. Мені сонда күт», — дейді ол.
Посмотреть эту публикацию в Instagram
