Қала әкімі Нұрбол Нұрсағатов Семейді апаттан сақтап қалуға үлкен үлестерін қосқандары үшін әскери горнизонның сарбаздарына өз алғысын айтты деп хабарлайды Semeytany.kz
«Құрметті сарбаздар! Осыдан бір апта бұрын ТЭЦ-1 нысанында өрт орын алып, құрылғылар істен шыққан кезде қала тұрғындарына жылу беруді тоқтатпау үшін қосымша күш ретінде, қаладағы әскери горнизонының сарбаздары жұмылдырып көмірді бункерлерге қолмен тасымалдады. Жылу қазандығындағы әскерилердің ерен еңбегіне бәріміз куә болдық. Абырой болғанда жедел әрекеттердің арқасында қалаға жылу үздіксіз берілді. Ел басына іс түскен шақта елім дейтін ерлер аянбай еңбек етіп, қаламызды апаттан сақтап қалуға үлкен үлестерін қосқандары үшін әскери горнизонның сарбаздарына өз алғысымды білдіремін! Әскери міндеттеріңізді абыроймен атқарып, қаламыздың дамуына қалтқысыз еңбек ете беріңіздер. Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілеймін»,- деді Семей қаласының әкімі Нұрбол Нұрсағатов
