Президент мәлімдемесі — саяси реформаның жалғасы
Бүгін Мемлекет басшысы Қасым-Жомарт Тоқаевтың Парламент Мәжілісі және мәслихат депутаттарының кезектен тыс сайлауын тағайындау туралы мәлімдеме жасады.
Біз әділетті Қазақстанды құрып, заң үстемдігін орнатуымыз керек. Реформаның жүзеге асуы — соның бір айғағы деп ойлаймын. Саяси науқан жаңа тұлғалардың шығуына үлкен септігін тигізетіні анық. Сондықтан Президенттің бүгінгі мәлімдемесіне реформаның жалғасы деп қараған жөн. Партиялар қазір бұрынғыдай бір сарынды емес. Жаңадан «Байтақ», «Respublika» партиялары қосылып жатыр. Енді осы партиялар арқылы ертең Мәжіліске жаңа өзгерістер мен жаңа тұлғалар келеді деп сенемін. Көппартиялық жүйе дегеніміз, бұрынғыдай бір партияға емес, барлығына бірдей мүмкіндік, теңдік береді.
Алмас Айтмұқаш,
қоғам белсендісі.
