Қазақстандық Сабина Мамадиярова Түркияның Хатай қаласында үйіндінің астынан табылды деп хабарлайды Семей таңы stan.kz сайтына сілтеме беріп.
Бұл туралы журналист Ирина Советжанқызы өзінің әлеуметтік желідегі парақшасында бөліскен. Сабина Мамадиярова үйіндінің астынан аман шыққан, тек қыздың қолы сынған көрінеді.
“Қазақстандық Сабина Мамадиярова Хатай қаласына әріптестерімен барған. Бүгін қиранды астынан шығарылып, құтқарылған қыздың қолы сынған екен”, –дейді Ирина Советжанқызы.
Журналист Асқар меңдібай да бұл жаңалықпен бөлісті.
“Жерлесіміз Сабина Мамадьярова аман! Аллаға шүкір! Ол бір-екі сағат бұрын Хатай қаласында үйінді астынан шығарылды! Әзірге қыздың қолы сынғаны анық! Қазір ол ауруханада! Бұл туралы қайғылы оқиға орнына інісі Мирболатты іздеп барған Алмат Құрмашев айтты. Әзірге оның ағасы туралы ештеңе белгісіз. Бірақ Сабина мен әріптестері бір жерде тұрғаны белгілі болды”, – деп жазды ол.
Әзірге қалған отандастарымыздан хабар жоқ көрінеді.
