Павлодарда ер адам ең төменгі күнкөріс деңгейімен бір ай өмір сүріп көремін деп шешеді. Биыл күнкөріс деңгейі – 40 567 теңге. Марат Сәбитов экспериментке жауапкершілікпен қарап, шығындарын мұқият жоспарлаған. Алайда қаражат тек 22 күнге жеткен. Үнемі аш жүрген ер адам шаршай бастаған, сондай-ақ депрессияға түсе жаздайды, деп хабарлайды Stan.kz ақпарат агенттігі “Информбюро” бағдарламасына сілтеме жасап.
Қарақұмық, арпа, қызылша, сәбіз және бір килограмм ет — эксперимент айына арналған Мараттың негізгі тағамдары. Кейде ол өзін сүтпен, бірнеше алма мен жұмыртқамен еркелететін. Үнемдегеніне қарамастан, күнкөрісі жылдың ең қысқа айына да жетпеген. 22-ші күні оның азық-түлігі таусылып, әмиянында 158 теңге ғана қалады.
“Бұл психологиялық тұрғыдан қиын, өйткені әрқашан өзіңді шектейсің. Біраз уақыттан кейін мен өзімді әлсіз сезіне бастадым. Үнемі депрессияда болып, агрессивті күйде жүрдім”, – дейді Павлодар тұрғыны Марат Сабитов.
Эксперименттің жалғыз артықшылығы ер адам салмақ тастаған. Айтуынша, 93 келіден 88 келіге дейін арықтап кеткен. Алайда оған эмоционалды түрде қиын болған. Азық-түлікті қайдан арзанырақ сатып алу керектігін үнемі ойлап жүргенін де жасырмады.
“Әрине, өмір сүруге болады. Бірақ өте нашар тамақтанады. Өзіне бірдеңе сатып ала алмайды. Эмоционалды жағдайдың деңгейі төмендейді, ол басқалардың қалай өмір сүретінін бақылайды. Әрине, жағдай төмендейді, өйткені өзін-өзі бағалау деңгейі төмендейді, өмірді қабылдау деңгейі төмендейді, адам өзін-өзі қыса бастайды. Күнкөріс деңгейі өмірлік маңызды азық-түлік, қызмет көрсету және азық-түлік емес тауарлар жиынтығынан тұрады”, – дейді психолог Марина Шевцова.
“Күнкөріс деңгейі негізгі төрт көрсеткішке есептелген. Бұл қажетті азық-түлік, коммуналдық төлем, қажетті заттар, жуынатын заттар, сондай-ақ жол ақысы”, – дейді Павлодар облысының кәсіпкерлік және индустриялық-инновациялық даму басқармасының бөлім басшысы Кәрімжан Байсарин.
Яғни, күнкөріс деңгейі минималды түрде тұтынушы себетіне тең. Халықтың нақты қажеттіліктерін мүлдем көрсетпейді. Марат Шевцовтың есептеулері көрсеткендей, бұл ақша жеткіліксіз. Ол өзінің экспериментімен мемлекетті осы мәселеге назар аударуға шақырды. Өйткені ол небәрі 22 күн өмір сүрді, ал кейбіреулер бірнеше ай өмір сүруі керек.
