Оның 413-і қалалар мен аудандар мәслихаттарының депутаттығына, 57-сі облыстық мәслихатқа, 10-ы Парламент Мәжілісінің депутаттығына үміткер.
Абай облысының өңірлік коммуникациялар қызметінде өткен баспасөз мәслихатында Абай облысының аумақтық сайлау комиссиясы төрағасының орынбасары Әсет Ерғазиннің мәлімдеуінше, 18 ақпанға дейін облыс бойынша 413 кандидат тіркелген.
– Парламент Мәжілісіне – 8, облыстық мәслихатқа – 50, қалалар мен аудандар мәслихаттарына – 355 үміткер сайлауға түседі. Бұл ретте 6 саяси партияның партиялық тізімі бойынша 66 адам тіркелді. Атап айтсақ, «AMANAT» партиясынан – 29 адам, ҚХП – 10 адам, «Ауыл» – 8 адам, «Respublica» – 8 адам, «Aq Jol» – 7 адам, «Байтақ» партиясынан 4 адам ұсынылды,- деп атап өтті Ерғазин.
Облыста 630 сайлау комиссиясы бар, оларда 4010 комиссия мүшесі жұмыс істеуде.
Облыста 478 сайлау учаскесі болса, оның 36-сы жабық. Облыс бойынша сайлаушылардың жалпы саны – 416 030 адам (Семей қаласында – 232 933 адам).
– Сонымен қатар облыста 2 шетелдік байқаушы тіркелген. Алдағы уақытта олардың саны артады, бірақ нақты қанша бақылаушының тіркелетінін уақыт көрсетеді. Бұл ретте байқаушыларды тіркеуге 10 ұйым құжат тапсырды. Сондай-ақ жастар мен әйелдерге арналған 30 пайыздық квота толығымен орындалғанын атап өткім келеді, — деп түйіндеді сөзін Әсет Ерғазин.
Semeitany.kz – Семей қаласында салынып жатқан жаңа әкімшілік-іскерлік орталық аумағында бірден үш маңызды нысанның құрылысы басталды. Құрылыс алаңдарын аралаған Абай...
Толығырақ...Details
